Strawberry House shokoladlar, muzқаймоқлар ва мевалардан тузилган эстетик совға тўпламлари билан танилган. Бренд ассортимент, дистрибуция ва франчайзинг йўналишларини кенгайтириб бораётгани, шунингдек халқаро бозорларга чиқишга тайёрланаётгани сабабли имижни замон талаблари асосида янгилашга қарор қилди.

Бренд аудити давомида аниқланган муаммолар

• Эскирган дизайн. Аввалги логотип бугунги минимализм ва соддаликка асосланган дизайн тенденцияларига мос келмасди. Бу эса замонавий бренд имижини шакллантиришга халал берарди.

• Номутаносиб логотип элементлари. Том шакли, қулупнай тасвири ва юмшоқ шрифтлар орасида уйғунлик йўқ эди. Бу умумий кўринишни қўпол ва нопрофессионал қилиб кўрсатарди.

• Мослашувчанликнинг пастлиги. Логотипни турли форматларда қўллаш қийин эди. Айниқса икона ва кичик ўлчамларда у ўз ифодасини йўқотар эди.

• Сегментга мос тушмаслик. Логотип элементлари — тасвирлар, ранглар ва шрифтлар премиум сегмент кайфиятини бера олмасди.

• Ягона визуал тизимнинг йўқлиги. Шрифт ва ранглардаги хилма-хиллик бир бутун визуал образни шакллантиришга тўсқинлик қиларди.

Янги концепция: муаммоларга комплекс ечим

Mountain агентлиги ишлаб чиққан янги концепция нафақат бренд номи ва унинг кўринишини, балки бренд характери, фаолияти ва сегментини ҳам ифодалайди.

Олмос метафораси

Олмоснинг сайқалланиш жараёни каби, Strawberry House’нинг ҳар бир совға тўплами ҳам катта меҳнат, синчковлик ва маҳорат талаб қилади. Логотипдаги учбурчак шакллар шу фалсафани рамзий ифодалайди.

«Қулупнай ичида қулупнайлар»

Юмшатилган умумий учбурчак силуэт қулупнай шаклини ҳосил қилади. Ички шакллар эса олмос қирралари билан бир қаторда абстракт қулупнайларни ва унинг юза текстураси — доначаларини эслатади.

Лувр пирамидаси метафораси

Логотип тескари ҳолатда машҳур Лувр пирамидасини эслатади. Бу ечим қуйидаги маъноларни беради:

• премиумлик ҳисси;

• маҳсулотнинг санъат асаридек қадри;

• совғанинг эксклюзивлигига ишора.

Шрифт ва ранглар

Логотипга мос равишда ўзига хос ранглар ва замонавий шрифтлар танланди. Натижада брендга мос, замонавий ва минималистик визуал тизим пайдо бўлди. Янги дизайн рақамли ва босма форматларга осон мослаша олади.

Ўзгариш — бизнеснинг ажралмас қисми

Бозор, трендлар ва мижозлар диди ўзгармоқда. Брендлар эса бу жараёнга мослашиши, имижини вақтида янгилаши ва бу ишни тажрибали мутахассислар билан амалга ошириши муҳим. Strawberry House айнан шу йўлни тутиб, ўз визуал имижини янги босқичга кўтарди.

Агар брендинг янгиланишга муҳтож бўлса, Mountain жамоаси уни кейинги босқичга олиб чиқадиган комплекс ечимларни таклиф этади.

Телефон: +998 55 517-31-11
Веб-сайт: mount.uz 
Instagram:@mountain_uz