Mijozning xohish-istaklari o‘rganib chiqilib, o‘rta qatlamga mos keluvchi minimal va zamonaviy logo ishlab chiqildi. Logo g‘oyasi ko‘ylak shakli va nafislik timsoli bo‘lgan kapalakdan kelib chiqdi: Ko‘ylak shakli — ayollar kiyimi yo‘nalishini bevosita ifodalaydi. U ayolning go‘zalligi, nafisligi va turfa uslubdagi kiyimlar kolleksiyasini ramziy tarzda ko‘rsatadi. Shuningdek, “Holiday” so‘zi bayramni anglatadi. Brend orqali har kuni bayramdek porlash g‘oyasi aks ettirildi. Kapalak go‘zallik, nafislik, erkinlik va o‘zgarish ramzi bo‘lib, har bir ayolning o‘ziga xosligiga urg‘u beradi. Shuningdek, logoda brend nomining bosh harfini ham ko‘rishimiz mumkin.