Brend O‘zbekiston Respublikasi Adliya vazirligi huzuridagi Intellektual mulk agentligi (IMA) orqali patentlanadi.

Jarayon ikki xil tarif asosida amalga oshiriladi:

• 7 oylik “Standard” tarif

• 1 oylik “Tezkor” tarif

Agar siz biznesni tezroq yo‘lga qo‘yish yoki mavjud faoliyatni qonuniylashtirishni istasangiz, “Tezkor” 1 oylik tarif eng maqbul tanlov bo‘ladi.

Nima uchun “Tezkor” variant tavsiya qilinadi?

Agar natija ijobiy chiqsa — siz brendingizni qonuniy asosda bemalol targ‘ib qilishingiz, ishlab chiqarish va savdoni kengaytirishingiz mumkin.
Agar natija salbiy chiqsa — qisqa vaqt ichida boshqa nom tanlab, qaytadan patentlash imkoniga ega bo‘lasiz.

Patent topshirmasdan turib brendni tekshirish mumkinmi?

Ha, albatta!
Patentga ariza topshirmasdan turib ham brend nomining patentga yaroqliligini oldindan aniqlash mumkin. Bu jarayon audit deb ataladi.

Ko‘plab tadbirkorlar faqat oddiy tekshiruv bilan cheklanib qolishadi — unda faqat nom bazada bor yoki yo‘qligiga qaraladi. Lekin bu yetarli emas.

Audit tekshiruvi esa ancha chuqur tahlilni o‘z ichiga oladi:

• WIPO (Xalqaro savdo belgilar bazasi);

• O‘zbekiston Respublikasi Intellektual mulk agentligi bazalari asosida nomning aynan o‘zi va o‘xshash variantlari tekshiriladi.

Bundan tashqari, auditda qonunchilik bo‘yicha patentga yaroqsiz deb topiladigan nomlar ham aniqlanadi.
Masalan, faoliyat turini bildiruvchi yoki umumiy ma’nodagi so‘zlar (masalan, “Building”, “Best Food” kabi) patentlab bo‘lmaydi.

Auditni rasmiy patent vakili amalga oshiradi va 3 ish kuni ichida natijalar taqdim etiladi.
Bu sizga vaqtni, asabni va keraksiz xarajatlarni tejash imkonini beradi.

Xulosa

Brendni patentlash — bu oddiy hujjat emas, balki biznesingizni himoya qilish, obro‘yingizni mustahkamlash va raqobatchilardan bir qadam oldinda bo‘lish kafolatidir.