Бу хавотир асоссиз эмас. Аммо айнан шу қўрқув кўплаб бизнес эгаларига ўсишга олиб борадиган қарорларни қабул қилишга тўсқинлик қилади.

Ушбу мақолада ребрендинг аслида нима экани, нега бу хавф эмас, балки катта имконият экани ҳақида гаплашамиз. Тўғри ёндашув билан ребрендинг нафақат сотувга зарар етказмайди, балки уни кескин ошириши ҳам мумкин.

Ребрендинг — бу фақат ном ва логотип ўзгариши эмас

Кўпчилик ребрендингни логотипни янгилаш ёки номни алмаштириш деб тушунади. Аслида эса, бу жараён компаниянинг янги босқичга ўтиши учун чуқур стратегик янгиланишдир.

Ребрендинг жараёнида қуйидагилар (ёки уларнинг бир қисмини) янгиланади:

• Компания олий мақсади ва қадриятлари 

• Мижоз сегмент ва позитсияси

• Бренд характери ва овози

• Визуал айдентика (логотип, ранглар, визуал шакллар ва шрифт)

• Вербал айдентика (бренд номи ва слоган)

• Маҳсулот ёки хизматларнинг тақдим этилиши

Ребрендинг қачон зарур бўлади?

Қуйидаги ҳолатлар ребрендинг учун кучли сабаб бўла олади:

• Сотув ёки бозор улуши пасайиб бораётган бўлса

• Бренд обрўсига салбий таъсир кўрсатадиган омиллар мавжуд бўлса

• Жорий бренд айдентикаси компания миссияси, характери ёки аудиториясига мос келмаса

• Янги, халқаро ёки юқори даражадаги бозорларга чиқиш режалаштирилган бўлса

• Бренд номи патентдан ўтмаса

Реал мисоллар: Ребрендинг қандай ўсишга олиб келди?

1. Дункин (аввалги: Дункин Донутс)

Дункин бренди “Донутс” сўзини олиб ташлагач, одамлар уни фақат ширинликлар эмас, балки кофе ва бошқа маҳсулотлар билан ҳам боғлай бошладилар. Натижада компания 40% ўсишга эришди.

2. Удда – Маҳаллий брендимиз муваффақияти

Қурилиш материаллари ишлаб чиқарувчи Абдулазиз ака илгари “Пост Модерн” бренди остида фаолият юритган. Аммо бу номни патентлаб бўлмагач, биз билан ҳамкорликда тўлиқ ребрендинг ўтказдилар.

Янги ном – Удда, қисқа, эсда қоладиган ва ўзбек тилида. Шунингдек, логотип ва қадоқлаш ҳам янгиланди. Абдулазиз аканинг сўзларига кўра, ребрендингдан сўнг улар бизнесда 10 баравар ўсишга эришган.

3. Корзинка – аввалги “Англесей Фоод”

Бугунги кундаги машҳур Корзинка.уз бренди авваллари “Англесей Фоод” номи билан фаолиятини бошлаган. Бренд эгаси Зафар Ҳошимовни гапларига кўра бу номнинг талаффузидаги муаммолар ва бошқа бренд билан адаштиришганлиги сабабли Корзинка.уз номига ўтишган.

Бундай ҳолатни дунёга машҳур брендларда ҳам кузатишимиз мумкин:

• Нике – авваллари Блуэ Риббон Спортс

• Амазон – аввалги номи Cадабра

• Гоогле – илк номи Баcкруб бўлган.

Бугунги кунга келиб эса бу номларни кўпчилик билмайди.

Ребрендинг — бу янгиланиш, хавф эмас

Бренд номи ўзгариши ёки визуал айдентиканинг (логотип, шрифт, ранг, визуал шакллар) янгиланиши мижозлар эътиборини йўқотмайди. Аксинча, тўғри тақдим этилса, бу сизнинг компаниянгиз янги босқичга ўтаётганини билдиради ва мижозлар орасида илиқ таассурот қолдиради.

Муваффақиятли ребрендинг учун маслаҳатлар:

1. Аввало мақсадингизни аниқ белгилаб олинг

2. Ребрендинг сабабларини очиқ ва гўзал тарзда аудиториянгизга етказинг

3. Мижозларингиз ишонадиган блогер ва журналистлардан фойдаланинг