Бренд Ўзбекистон Республикаси Адлия вазирлиги ҳузуридаги Интеллектуал мулк агентлиги (ИМА) орқали патентланади.

Жараён икки хил тариф асосида амалга оширилади:

• 7 ойлик “Standard” тарифи

• 1 ойлик “Tezkor” (тезлаштирилган) тарифи

Агар сиз бизнесни тезроқ йўлга қўйиш ёки мавжуд фаолиятни қонунийлаштиришни истасангиз, “Tezkor” 1 ойлик тариф — энг мақбул танлов бўлади.

Нима учун “Tezkor” варианти тавсия қилинади?

Натижа ижобий чиқса — брэндингизни қонуний асосда эркин тарғиб қилишингиз, ишлаб чиқариш ва савдони кенгайтиришингиз мумкин.
Агар натижа салбий чиқса — қисқа вақт ичида бошқа ном танлаб, қайтадан патентга топшириш имконига эгасиз.

Патентга топширмасдан туриб брендни текшириш мумкинми?

Ҳа, албатта!
Патентга ариза топширмасдан туриб ҳам бренд номининг патентга яроқлилигини олдиндан аниқлаш мумкин. Бу жараён аудит деб аталади.

Кўп тадбиркорлар оддий текширув билан чекланиб қўлишади — унда фақат ном базада бор ёки йўқлигига қаралади. Лекин бу етарли эмас.

Аудит текшируви эса анча чуқурроқ таҳлилни ўз ичига олади:

• WIPO (Халқаро савдо белгилари базаси)

• Ўзбекистон Республикаси Интеллектуал мулк агентлиги базаси
  асосида номнинг айнан ўзи ва ўхшаш вариантлари текширилади.

Бундан ташқари, аудитда қонунчилик бўйича патентга яроқсиз деб топиладиган номлар ҳам аниқланади.
Масалан, фаолият турини билдирувчи ёки умумий маънодаги сўзлар (масалан, “Building”, “Best Food” каби) патентлаб бўлмайди.

Аудитни расмий патент вакили амалга оширади ва 3 иш куни ичида натижалар тақдим этилади.
Бу сизга вақтни, асабни ва кераксиз харажатларни тежаш имконини беради.

Хулоса

Брендни патентлаш — бу фақат ҳужжат эмас, балки сизнинг бизнесингизни ҳимоя қилиш, обрўингизни мустаҳкамлаш ва рақобатчилардан бир қадам олдин бўлиш кафолатидир.