Янги бизнес бошлаётган ҳар бир тадбиркор учун ном танлаш муҳим ва айни пайтда мураккаб жараён ҳисобланади. Бренд номи мижозларда биринчи таассуротни шакллантиради. У эсда қолувчи, маъноли ва албатта, патентлаш имкони мавжуд бўлиши керак. 

Қуйида сизга бренд учун ном топишда қўл келадиган 5 та креатив ёндашувни тақдим қиламиз.

1) Икки сўзни қўшиб янги сўз яратиш. 

Бу усул орқали сиз мавжуд икки ёки ундан ортиқ сўзларни бирлаштириб, бутунлай янги ном яратишингиз мумкин. 

Масалан, 25 йилдан буён спорт маҳсулотлари савдоси билан шуғулланувчи Olympia брендини ребрендинг қилиб бердик. Мижозимизга қисқа ва жарангли “Онго” номини тақдим қилдик. Ушбу номни инглиз тилидаги “Он” — фаол ва “Го” — ҳаракат қилиш сўзларини бирлаштириш орқали ишлаб чиқдик. Маъноси динамик ҳаракат, энергия ва ҳаракатга тайёрликни ифодалайди. Бу сўз спорт, фаол ҳаёт тарзи ва жисмоний машғулотлар билан боғлиқ.

Бу усулдан фойдаланган таниқли брендлар: 

Payme: пай+ме

Facebook: Face + Book

YouTube: You + Tube

2) Неологизм, яъни ҳеч қандай маънога эга бўлмаган ва ўйлаб топилган сўз.

Неологизм услубида ном ишлаб чиқсангиз, луғатларда йўқ, аммо жарангдор ва ўзига хос сўз ихтиро қилишингиз мумкин.

Масалан, гўшт маҳсулотлари ишлаб чиқарувчи мижозимизга “Ҳелали” номини тақдим қилдик. “Ҳелали” сўзи ҳалол (турк тилидаги – “ҳелал”) сўзига ўхшаб кетади. Ҳалол деган сўзни патентлаб бўлмайди. Шу сабабдан айнан ҳалол маъносини бериши учун биз бу сўзга яқин “Ҳелали” номини тақдим қилдик. Бу ном мижозимизга манзур бўлди ва уни патентлаб олдилар

3) Сиз етказмоқчи бўлган маънони бошқа тиллардан излаш

Баъзи ҳолларда оддий ёки талаффузи қийин сўзлар бошқа тилларда чиройли ва ҳашамдор оҳангга эга бўлиши мумкин.

Масалан, “бахтли” сўзи ўзбек тилида арзон бренддек туйилиши мумкин. Аммо, унинг португал тилидаги варианти — Фелиза— янада нафис ва эсда қолувчи ном сифатида қабул қилинади.

Аёллар кийими савдоси билан шуғулланувчи мижозимизга “Фелиза” номини тақдим қилдик ва бу ном мижозимизга манзур бўлди.

4) Акроним - Бир неча сўзнинг бош харфларидан янги сўз ясаш.

Абревиатура ва акронимда бир неча ҳарф қўшилиб янги сўз ясалади. Ҳар бир акроним — абревиатура, лекин ҳар бир абревиатура — акроним эмас. Ҳозир фарқини тушуниб оласиз:

Абревиатурада сўзларнинг бош ҳарфлари талаффуз қилинади:

• PCG — Perfect Consulting Group

• IBM — Integrated Business Management

• KFC — Kentucky Fried Chicken

Акроним эса сўз каби талаффуз қилинади:

• NASA — National Aeronautics and Space Administration

• UNESCO — United Nations Educational, Scientific and Cultural Organization

• IKEA — Ingvar Kamprad, Elmtaryd, and Agunnaryd

Қурилиш материаллари ишлаб чиқарувчи мижозимизга акроним йўналишидаги жарангли ва қисқа бўлган “Deran” номини тақдим қилдик. “Deran” номи қуйидаги сўзлардан келиб чиққан:

• D - Durable (мустаҳкам)  

• E - Efficient (самарали)

• R - Reliable (ишончли)

• A - Advanced (замонавий)

• N - Noble (юқори сифатли ва нуфузли)

Одатда бундай брендларни кўпчилик одамлар уларнинг тўлиқ шаклини билишмайди ва оддий бренд номи сифатида қабул қилишади.

5. Ассоциациялар — номни бирор бир ғояга боғлаш

Ушбу номлаш услубида компания номи унинг фаолияти, ишлаб чиқарадиган маҳсулотлари ёки таклиф қиладиган қийматга ишора қилди. Бу сўз тилда ноёб бўлмаслиги мумкин, аммо кундалик ҳаётда кам қўлланиладиган ва бренднинг моҳиятини аниқ ифодаловчи бўлса бўлди. 

Масалан, қурилиш корхонаси учун тақдим қилганимиз — “Асос” номи. Ўқилиши ва ёзилиши бир хил. Ҳар қандай нарсада энг муҳим нарсалардан бири бу унинг Асоси, айниқса қурилишда. Компания бу ном билан ўзининг профессионал ёндашувига ишора қилади.

Баъзида сизнинг брендингиз қандай маҳсулот ёки хизмат таклиф қилаётганидан кўра, қандай ҳиссиёт уйғотишини ном орқали этказиш муҳимроқ бўлади.

Бренд номи бу — шунчаки сўз эмас. Бу сизнинг бозор имижингиз, мижозлар билан илк алоқа воситаси ва узоқ муддатли муваффақиятга йўл очувчи калит ҳисобланади. Юқоридаги ёндашувлардан бирини танлаб, сиз ўз бизнесингизга ноёб, эсда қолувчи ва қонуний жиҳатдан