Мижоз дастлаб бренд аудиториясини қуйи қатлам сифатида кўрсатган бўлса-да, янги филиал интерьерини ва мавжуд мижозларни ўрганиб чиққанимизда, аслида асосий аудитория ўрта ва ўрта-плюс қатламга тўғри келишини аниқладик. Шу сабабли, логотип янги филиалнинг замонавий интерьерга мос, нафис ва жозибали кўринишда ишлаб чиқилди. Мижозларнинг катта қисмини аёллар ташкил қилгани сабабли, логотип шакли ва шрифт танлови ҳам аёлларга хос нозиклик, юмшоқлик ва эстетикани акс эттирадиган тарзда танланди.