Мижознинг хоҳиш-истаклари чуқур ўрганилиб, ўрта ва юқори қатламга мос келувчи минимал ва замонавий логотип концепцияси ишлаб чиқилди. Брэнд характерига мос, бриф талабларига жавоб берувчи ва соҳага тўғридан-тўғри ишора қилмайдиган, аммо билвосита эслатиб турувчи абстракт шакллардан ташкил топган мавҳум логотип яратилди. Логотипдаги яшил олов соғлом энергияни, ҳаракат ва тўғри овқатланиш орқали ҳосил бўладиган калория ёқилишини рамзий ифода этади. Белгининг пастки қисмидаги чизиқ эса фойдаланувчи ҳаётидаги соғломлик ва балансни таъминловчи асос — илованинг ўзига ишора қилади.