Mijozning xohish-istaklari chuqur tahlil qilinib, o‘rta va yuqori toifadagi auditoriyaga mos keluvchi, zamonaviy va minimalistik logo ishlab chiqildi. Logo brend xarakterini ifodalovchi, sohaga mos keluvchi mavhum shakllar asosida yaratildi. Logoning asosiy elementi — asalari uyasini eslatuvchi olti burchak shakl. Bu shakl tabiatan mukammal shakl hisoblanib, tizimlilik, barqarorlik va mehnatsevarlik timsoli sifatida qabul qilinadi. Shu bilan birga, u strukturaviy mustahkamlik va hamjihatlik g‘oyalarini ham ifodalaydi. Markazdagi o‘sishni anglatuvchi grafik belgi (investitsiya ikonkasi) esa brendning asosiy faoliyati — o‘sish, ko‘payish va rivojlanishni ifodalaydi. Bu belgi logoga dinamiklik, harakat va o‘sish impulsini kiritadi. Olti burchak va investitsiya belgisi birlashib, brend nomining bosh harfi — “e” harfini hosil qiladi. Harf kichik yozilganligi samimiylik va ochiqlik kayfiyatini beradi.